كل ما تحتاجه لتعلم الصيانه الالكترونيه لجميع الاجهزه من المنزل


الى كل الراغبين في دخول عالم الصيانة الالكترونية, سواء كانوا طلبة أو باحثين عن عمل,جمعنا لك كل ما تحتاجه سواء دورات ,أو كتب pdf,او مواقع وقنوات لتعليم صيانة اللوحات او الكروت الالكترونية المختلفة ,أو صيانة الكمبيوتر واللاب توب , والشاشات والتلفزيون, الرسيفر ,الأجهزة الطبية ,الموبايل او الهاتف الجوال , كارته أو بوره الاجهزة المنزلية (غسالات-ثلاجات -بوتجازات -الخ )وغير ذلك .

تعليم الصيانه الالكترونيه للمبتدئين
كل ما تحتاجه لتعلم الصيانه الالكترونيه لجميع الاجهزه(من المنزل)

اضغط على اسم الدورة الملون بالاصفر للذهاب اليها

أساسيات تعلم الصيانة الالكترونية 

الكتب التي ستحتاجها في هذه المرحله 
1-كتاب اساسيات الكهرباء والالكترونياتPDF وستجده هنا 
 2- كتاب العناصر الالكترونية PDF من هنا 


كورس الدكتور وليد عيسي (دوره الالكترونيات العمليه)

دورة تعليم الالكترونيات للمبتدئين ,للدكتور وليد عيسىوهو يقوم بشرح مفصل للعناصر الالكترونية, من مقاومات ,ومكثفات, وملفات ,والمفاتيح ,والريلاي, وأشباه الموصلات مثل الدايود والترانزستور والترياك والثايرستور الخ ,وأجهزة القياس المختلفة من الصفر, ويعتبر هذا الكورس هو بوابتك للدخول هذا المجال من أوسع أبوابه حيث سيساعدك علي العمل في اي جهاز الكتروني او كهربائي , والكورس وهو عبارة عن 100 فيديو تعليمي عالي الجودة و احترافي بمعني الكلمه باذن الله .


كورس Beginner Electronics

وهو باللغة الانجليزية , والشرح فيه باسلوب ممتع ومرح , ويمتاز بفيديوهات صغيرة المدة , أكثر احترافية  من ناحية الجودة,ويشرح العناصر الالكترونية 
للذهاب للكورس كورس Beginner Electronics


كورس أساسيات تعلم الإلكترونيات 

وهي دورة مقدمة من أكاديمية الدارين لتعليم الالكترونيات و يبدأ بشرح البطاريات واساسيات الكهرباء ويشرح العناصر الالكترونية , وهي عباره عن 20 درس 

طيب افرض انك عايز مصادر أكثر في تعليم اساسيات الالكترونيات بالصوت والصورة يبقي تدخل علي الموضوع ده 
افضل 20قناة علي اليوتيوب لتعليم الالكترونيات




دورات تعليم صيانة الباور سبلاي للاجهزة الكهربية والالكترونية 

الباور سبلاي
إضافة شرح
انك تتعلم صيانة الباور سبلاي هيساعدك تشتغل في صيانة اي جهاز فدائرة الباور دائرة أساسية و يساعدك في صيانة كروت الغسالات و المكيفات والثلاجات والاجهزة المنزلية بشكل عام فلا تستهين بكورسات تعليم الباور سبلاي نهائيا.

كورس switch mode power supply SMPS repair course

الكورس باللغة العربية هتتعلم فيه عملي كيفية صيانة واصلاح الباور سبلاي والكورس منهجي بمعني ان المعلومات الموجودة فيه وضعت على أسس علمية وده صعب تلاقيه في اي كورس تاني وبيهتم بالباور سبلاي الخاص بالأجهزة المنزلية (هام لمن يريد تعلم صيانة الكروت الالكترونية للغسالات والمكيفات والثلاجات )

رابط كورس switch mode power supply SMPS repair course


 كورس صيانة الباور سبلاي للأستاذ المبدع أحمد المصري

المهندس أحمد المصري يقدم هنا شرح اكثر من رائع لأغلب ما يخص دوائر الباور سبلاي او دوائر التغذية في الاجهزة الكهربية وذلك بالاضافة إلى ملفات pdf لتذاكر منها وهو اكثر من رائع 


 كورس الباور سبلاي لمحمد يوسف 

الراجل ده عبقري يشرح المعلومة ببساطة ومن غير رغي كتير المعلومة مجرة في أبسط شكل ممكن بفضل الله جزاه الله عنها خيرا

للذهاب للكورس من هنا 


وطبعا اثناء مشاهده الكورسات, بتشتغل عملي في بيتك على استخدام الملتيميتر والكاوية والشفاط كبداية وطبعا بتستفاد من الشواحن التالفة او دوائر اللمبات الموفرة المكسورة بمعني لن تتحمل غير تكاليف الأدوات
هنا تجد عده فيديوهات عن كيفيه استخدام كاويه اللحام والشفاط وستجد غيرهم الكثير والكثير علي اليوتيوب 

بعد ذلك تختار أحد التخصصات التالية او غيرها فأنت تملك ما تحتاج للبدء في العمل كفني الكترونيات بل ويمكنك صيانة الكروت الالكترونية للاجهزة المنزلية مثل الغسالة والثلاجة و الميكروويف والافران والبوتجاز وغير ذلك بمجرد ان تعرف طبيعة عمل الجهاز باذن الله.


 صيانه الكمبيوتر المكتبي واللاب توب


وافضل حاجه تبدأ بيها وبالذات لو مكنش عندك خلفيه عنهم هو كورس كومبيتيا A+
مبدئيا لو انت مش عارف كومبتيا دي شهادة تؤهل حاملها للعمل في صيانة الكمبيوتر وملحقاته من الصفر وتعادل تقريبا حوالي 500 ساعة من الخبرة في مجال الحاسوب وتختلف حسب رقم الشهادة بمعنى فيها قديم وحديث ولكننا سنذكر اغلب المصادر مع الاشارة للاحدث واختر منهم ما تشاء

 وهو الأحدث وده بجد اكثر من رائع حاجه كده فوق الوصف هتشوف وتحكم بنفسك حاجة كده فوق الخيال بمراحل .
الراجل ده بقي حكايه اولا بدء في الشروحات في وقت مكنش في حد تاني غيره وكان الي بيعمل شرح تعليمي في الوطن العربي كله كام واحد معدودين علي أصابع اليد أشهرهم بفضل الله المصري احمد جودة وهو شرح للمنهج القديم لكن يعد من افضل ما قدم ستتعلم دون ملل ان شاء الله


خامسا:  لو انت من الناس اللي بتحب الشروحات الاجنبية ده كورس في منتهي الروعة هيعجبك جدا من هنا 

بعد كده لازم يكون في جانب عملي اكيد طبعا وهنا هتلاقي
1-كورس الصيانه الالكترونيه للكمبيوتر وده فى منتهى الروعة
2- اقوي كورس عن صيانة الكمبيوتر واللاب توب في نظري هو الكورس ده صيانه الماذربورد للمبتدئين
3- يمكنك ايضا الاستفادة من الفيديوهات التعليمية الموجودة في قناه المهندس طمان

طيب كده خلاص لا طبعا لازم يكون في كتب تختار منهم كتاب يكون الأساس ليك وبعد كده تنتقل لكتب ثانيه وده هتلاقيه هنا كتب صيانه الكمبيوتر واللاب توب و بامكانك الدخول على صفحة اتعلم دليفري ومتابعة ما ينشر فيها من كتب متخصصة في الإلكترونيات وغير ذلك بإذن الله .
كده خلاص لا طبعا لازم يكون في حد تسأله لو قابلتك مشكله وده هتلاقيه في جروبات الفيس بوك و ديه أكثر منها مفيش وكمان اي عطل يقابلك كل ما عليك الا البحث عنه على جوجل وستجد مئات الاجابات باذن الله


تعلم صيانة الجوالات والموبايلات 

صيانة الموبايل الاكثر طلبا  في وقتنا الحاضر لكن في مشكله بتقابل العاملين في هذا المجال اكثر من غيره وهي التحديث المستمر علشان كده لازم تفهم اساسيات صح وده هتلاقيه في الكورس ده دورة صيانة الجوال من الصفر للاحتراف وده بينقسم لاجزاء 

والكتب التي هتحتاجها هتلاقيها فى الموضوع ده صيانة الجوالات 

تمام خلصت الكورسات ديه لازم بقي نشوف شغلي عملي وده هتلاقيه هنا تعلم صيانة الموبايل مع افضل 50 قناه يوتيوب

صيانة التلفزيون الملون والشاشات والرسيفر

مبدئيا المجال ده واسع شويه و الانواع مختلفة لكن الاساسيات واحده وهتلاقي هنا في المدونه قسم خاص بالشاشات والتلفزيون هتلاقي فيه بعض الكتب والموضوعات المفيدة ندخل في المفيد اولا لازم تشوف الموضوع ده تعلم صيانة التلفزيون والشاشات مع افضل 10 قنوات يوتيوب


تعلم صيانة الرسيفر

 ممكن تبدأ في الأول مع كورس احمد المصري في الرسيفر من هنا  وده هتلاقي فيه الشرح نظري للدوائر هتفهم أصل كل دائرة ايه وازاى تشتغل وفائدتها في الرسيفر الخ.
دورة صيانة الرسيفر من هنا و الشرح فيها بيكون عملي علي اعطال الرسيفر تتعلم كيفية الاصلاح وتحديد الاعطال ووصف العطل او شكوى العميل



قد يهمك ايضا موضوع جامع لكل ما يخص تعلم الصيانة الالكترونية

الموضوع لم ينتهي بعد وسيتم اضافة  مجموعة من المصادر الرائعة في الصيانة الالكترونية.